നാട്ടിലുള്ള പ്രവാസികളിൽ ഫസ്റ്റ് ഡോസ് വാക്‌സിൻ എടുത്തവർക്ക് മുൻഗണന ലിസ്റ്റിൽ രണ്ടാം ഡോസ് എടുക്കുന്നതിനുള്ള സംവിധാനം നിലവിൽ വന്നിട്ടുണ്ട്. ഫസ്റ്റ് ഡോസ് വാക്‌സിൻ എടുത്ത് 28 ദിവസത്തിന് ശേഷമാണ് രണ്ടാം ഡോസിന് അപേക്ഷിക്കുവാൻ സാധിക്കുക.
എങ്ങനെ വാക്‌സിൻ രണ്ടാം ഡോസിന് അപേക്ഷിക്കാം :-
- ആദ്യമായി മുൻഗണ വാക്‌സിൻ രജിസ്റ്റർ ചെയ്യുന്ന വെബ്‌സൈറ്റിൽ പ്രവേശിക്കുക. വെബ്‌സൈറ്റിലേക്ക് പോകാനുള്ള ലിങ്ക് താഴെ കൊടുക്കുന്നു.
- തുറന്ന് വരുന്ന പേജിൽ നിന്നും ''INDIVIDUAL'' എന്ന ഓപ്ഷൻ തിരഞ്ഞെടുക്കുക.
- നിങ്ങളുടെ മൊബൈൽ നമ്പർ കൊടുത്ത് ''GET OTP'' കൊടുക്കുക. മൊബൈൽ നമ്പറിലേക്ക് ഒരു OTP വരുന്നതാണ്.
- ശേഷം വരുന്ന പേജിൽ ഫോണിൽ ലഭിച്ച ''OTP'' ടൈപ്പ് ചെയ്‌ത് ''VERIFY'' ക്ലിക്ക് ചെയ്യുക.
- നിങ്ങളുടെ ജില്ല കൊടുക്കുക. യോഗ്യത വിഭാഗം എന്ന ഭാഗത്ത് (Going Abroad) തിരഞ്ഞെടുക്കുക.
- നിങ്ങൾ കോവിൻ റഫറൻസ് നമ്പർ ടൈപ്പ് ചെയ്യുക. (റഫറൻസ് നമ്പർ കോവിൻ സൈറ്റിൽ ഫസ്റ്റ് ഡോസ് എടുക്കാൻ നൽകിയ മൊബൈൽ നമ്പർ ഉപയോഗിച്ച് ലോഗിൻ ചെയ്‌താൽ കാണാവുന്നതാണ്)
- Applying For Dose 1/Dose 2 - എന്ന ഭാഗത്ത് ''Dose 2'' എന്ന് കൊടുക്കുക.
- ശേഷം ആദ്യ ഡോസ് എടുത്ത തിയ്യതി, ഏത് വാക്‌സിൻ ആണ് എടുത്തത് എന്നിവ തിരഞ്ഞെടുക്കുക.
- ശേഷം കോവിൻ സൈറ്റിൽ കൊടുത്ത പോലെ താങ്കളുടെ പേര് ടൈപ്പ് ചെയ്യുക.
- പാസ്പോർട്ട് നമ്പർ, പാസ്സ്പോർട്ടിലുള്ള പോലെ നിങ്ങളുടെ പേര് എന്നിവ കൊടുക്കുക.
- ലിംഗം, ജനന വർഷം നൽകുക.
- കോവിൻ സൈറ്റിൽ രജിസ്റ്റർ ചെയ്യാൻ നിങ്ങൾ കൊടുത്തിട്ടുള്ള ഐഡി പ്രൂഫ് തിരഞ്ഞെടുക്കുക. (നിങ്ങൾ ആധാർ വെച്ചാണ് ആദ്യ ഡോസ് എടുത്തിട്ടുള്ളത് എങ്കിൽ ആധാർ കാർഡ് തിരഞ്ഞെടുക്കാം).
- അതിന് ശേഷം ഏതാണോ ഐഡി പ്രൂഫ് അതിന്റെ നമ്പർ, വാക്‌സിൻ എടുക്കാൻ ആഗ്രഹിക്കുന്ന സ്ഥലം രേഖപ്പെടുത്തുക.
- പിന്നീട് ''ID Proof Given in COWIN'' എന്ന ഭാഗത്ത് കോവിൻ വെബ്‌സൈറ്റിൽ ഏതാണോ ഐഡി പ്രൂഫ് കൊടുത്തിരുന്നത് അത് അപ്‌ലോഡ് ചെയ്യുക.
- പാസ്പോർട്ട് മുൻ ഭാഗവും പിൻ ഭാഗവും ഒന്നിച്ച് ഒരു ഫയൽ ആക്കി അപ്‌ലോഡ് ചെയ്യുക.
- വിസ രേഖകൾ അപ്‌ലോഡ് ചെയ്യുക.
- ''1st Dose Certificate'' എന്ന ഭാഗത്ത് ആദ്യ വാക്‌സിൻ എടുത്തതിന്റെ സർട്ടിഫിക്കറ്റ് അപ്‌ലോഡ് ചെയ്യുക. (നിങ്ങളുടെ നമ്പർ വെച്ച് കോവിൻ സൈറ്റിൽ ലോഗിൻ ചെയ്‌താൽ സർട്ടിഫിക്കറ്റ് ഡൗൺലോഡ് ചെയ്യാം)
- ഇത്രയും രേഖകൾ അപ്‌ലോഡ് ചെയ്തതിന് ശേഷം മുകളിൽ കൊടുത്തിട്ടുള്ള വിവരങ്ങൾ ശരിയാണോ എന്ന് ഉറപ്പ് വരുത്തുക..
- എല്ലാം ശരിയാണെങ്കിൽ ''സമർപ്പിക്കുക'' എന്ന ബട്ടൺ ക്ലിക്ക് ചെയ്യാം.
നിങ്ങളുടെ അപേക്ഷ പരിശോധിച്ച ശേഷം നിങ്ങളുടെ ഫോണിൽ ''Approve'' എന്ന മെസ്സേജ് വരും. അത് കൂടാതെ നിങ്ങളുടെ വാക്‌സിൻ എടുക്കേണ്ട തിയതിയും സമയവും അടങ്ങിയ മെസ്സേജും വരുന്നതാണ്.
| COWIN WEBSITE | Click Here |
| PRIORITY VACCINE | Click Here |
| JOIN WHATSAPP GROUP | Click Here |
ഒരു അഭിപ്രായം പോസ്റ്റ് ചെയ്യൂ